2012 թվականին Թուրքիայի տարածքում արդյունահանվել է 1.7 մլրդ դոլար ընդհանուր արժեքով 29.5 տոննա ոսկի: 11 տարի առաջ ոսկու արդյունահանում սկսած Թուրքիան տարեցտարի ավելացնում է այդ թանկարժեք մետաղի արտադրությունը: Այս մասին հայտնում է MK-Turkey կայքը:
Դինամիկան այսպիսին է՝ 2001 թվականին Թուրքիան արդյունահանել 1.4 տոննա ոսկի, 2006 թվականին ՝ 8, 2008-ին՝ 11, 2009-ին՝ 14.5, իսկ անցած տարի արդեն՝ 29.5 տոննա դեղին մետաղ:
Թուրքիայի Ոսկի արդյունահանողների հիմնադրամի տնօրենների խորհրդի ղեկավար Ումիթ Ակդուրը հայտարարել է, որ ոլորտի արագ զարգացումը պայմանավորված է ներդրումների մեծ ծավալով: Ակդուրի կանխատեսումներով՝ 2013-ին ոսկու արդյունահանման մակարդակը կգերազանցի 33 տոննան:
