75-ամյա անգլուհի Ներմին Քիթինգը, որը տառապում է Պարկինսոնի հիվանդությամբ, 9 շաբաթ ապրել է ատամի պրոթեզը կոկորդում: Օտար մարմնի պատճառով կնոջ վիճակը գնալով վատացել է, սակայն զննման ընթացքում բժիշկները 4 անգամ թոքային ինֆեկցիա են ախտորոշել,- հայտնում է Life News Online-ը:
2012-ի նոյեմբերի սկզբին Ներմինի դուստրը՝ Ումիթ Մեդդոկը, որը մոր հետ է ապրում, նկատել է, որ կորել է պրոթեզն ու կարծել, որ այն տանն ինչ-որ տեղ է: Այդ ընթացքում նրա մոր վիճակն ավելի է վատացել, կինը նրան ստուգման է տարել:
Զննելուց հետո բժիշկները Ներմինի մոտ թոքային ինֆեկցիա են ախտորոշել ու մրսածության դեմ դեղեր նշանակել:
Միայն 9 շաբաթ անց բժիշկ Նոել Փերեյրաֆինալին նկատել է պրոթեզը, որը հեռացրել է վիրաբուժական գործիքներով:
– Զարմանալի է, որ կինը ողջ է մնացել օտար մարմինը կոկորդում: Իմ պրակտիկայում այսպիսի դեպք առաջին անգամ է գրանցվում: Ես և գործընկերներս տեսնում էինք նրա ինքնազգացողության վատացումը, բայց պատկերացում անգամ չունեինք, որ պատճառը նրա կուլ տված պրոթեզն է,- մեկնաբենել է Ներմին Քիթինգը՝ հիվանդանոցի մենեջերը, որտեղ զննել են կնոջը:
Չնայած ամեն բան լավ է ավարտվել՝ Ումիթն իրեն մեղավոր է զգում տեղի ունեցածի համար: