ՀՔԱ Վանաձորի գրասենյակը հայտնում է, որ 2013 թ. հունվարի 21-ին՝ ժամը 12:00-ին, Էրեբունի և Նուբարաշեն համայնքների ընդհանուր իրավասության դատարանում նշանակված էր ջրծաղիկից մահացած զինծառայող Հայկ Խաչատրյանի գործով հերթական դատական նիստը:
Սակայն այսօրվա դատական նիստը հետաձգվել է փաստաբանի առողջական խնդիրների պատճառով:
Հաջորդ դատական նիստի մասին կտեղեկացվի լրացուցիչ:
Հիշեցնենք, որ Հայկ Խաչատրյանը մահացել է 2011 թ. դեկտեմբերի 30-ին «Նորք» ինֆեկցիոն հիվանդանոցում բուժանձնակազմի անփույթ վերաբերմունքի պատճառով ջրծաղիկ հիվանդությունից:
