Ամբողջ աշխարհում հունվարի 21-ին նշվում է ամենաանսովոր տոներից մեկը՝ Գրկախառնության միջազգային օրը (International Hug Day): Այն սկզբնավորվել է ԱՄՆ-ում 1986-ին Գրկախառնության ազգային օր (National Hugging Day) անունով, հետո տարածվել ամբողջ աշխարհում: Տոնի ավանդույթի համաձայն՝ այսօր ընկերաբար գրկել կարելի է նույնիսկ անծանոթին:
Չնայած այս տոնի երիտասարդ լինելուն՝ այսօր դժվար է գտնել դրա հեղինակին: Համարվում է, որ տոնի նախաձեռնողներն ուսանողներ են:
Հենց այս օրն էին տղաներն ու աղջիկները գրկում միմյանց առանց ինտիմ ենթատեքստի: Ըստ լեգենդի՝ ընկերական գրկախառնության ժամանակ մարդիկ հոգևոր ջերմություն են փոխանակում:
Հոգեբանները կարծում են, որ մարդիկ, որոնք ձգտում են գրկել ձեզ, ուզում են ապահովություն, հարմարավետություն և սեր զգալ: Իսկ գրակախառնությունները մեզ ուղեկցում են ամբողջ կայնքում:
Հունվարի 21-ը տոնելը նյութական ծախս չի ենթադրում: Տոնի առթիվ շնորհավորելով ձեր մտերիմներին և սիրելիներին՝ ի նշան նրանց հանդեպ ջերմ վերաբերմունքի, դուք կարող եք հիշեցնել ձեր անկեղծ, ջերմ զգացմունքների մասին:
