Մեղրու մաքսակետը այս օրերին գերծանրաբեռնված է աշխատում: Սա կապված է հարևան երկրում` Իրանի Իսլամական Հանրապետությունում նշվող Նովրուզի հետ:
Մարտի 21-ից Իրանում ոչ աշխատանքային` տոնական օրեր են, և զբոսաշրջիկների մեծ հոսք է նկատվում Հայաստան:
Ըստ «Սյունյաց երկիր» պարբերականի` մարտի 17-ից Մեղրու մաքսակետով հանրապետության սահմանը օրական միջինը հատել է 2200 զբոսաշրջիկ: Մարտի 24-ի դրությամբ հանրապետություն մուտք գործած զբոսաշրջիկների թիվը կազմել է մոտ 15500:
Մաքսակետից թերթին նաև հայտնել են, որ նշված ժամանակահատվածում Հայաստան է մտել 76 ավտոբուս և 1176 մարդատար մեքենա: