Արևմտյան Աֆրիկայի երկրների առաջնորդները կոչ են արել անհապաղ ֆինանսական և նյութատեխնիկական աջակցություն ցուցաբերել զինված ուժերին, որոնք պայքար են մղում Մալիում իսլամիստ գրոհայինների դեմ: Այս մասին հայտնում է AFPգործակալությունը:
Կոտ դ՝Իվուարի մայրաքաղաքում անցկացված Արևմտաաֆրիկյան պետությունների տնտեսական համագործակցության (ԷԿՈՎԱՍ) արտահերթ գագաթնաժողովի եզրափակիչ փաստաթղթում անդամ երկրների առաջնորդները միջազգային հանրությանը կոչ են արել անհապաղ ֆինանսական և նյութատեխնիկական օգնություն հատկացնել Մալիի զինված ուժերին:
Ավելի վաղ ԷԿՈՎԱՍ-ի ղեկավար, Կոտ դ՝Իվուարի նախագահ Ալասան Ուատարան միջազգային հանրությանը ավելի լայն ռազմական միջամտության կոչ էր արել:
