Իսրայելը պատրաստ է նամակ ուղարկել Թուրքիային կապերը նորոգելու համար: Նամակը կլինի այնպիսին, ինչպիսին էր 24 պակիստանցի զինվորների սպանության համար Իսլամաբադին ուղղված Վաշինգտոնի նամակը: Այս մասին հայտնել է Իսրայելի փոխարտգործնախարար Դենիել Այալոնը:
«Ես որոշակի բարելավում և հնարավորություններ եմ տեսնում»,- հայտարարել է Այալոնը Hürriyet-ի հետ թուրք-իսրայելական հարաբերությունների մասին զրույցի ժամանակ, որոնք սառեցվել էին «Մավի Մարմարա» նավի վրա իրականացված «ռեյդից» հետո:
2010 թվականին մայիսի 31-ին միջազգային մարդասիրական առաքելության կազմում Գազայի հատված օգնություն փոխադրող թուրքական նավի` բեռների ստուգում անցկացվելու վերաբերյալ Թել Ավիվի պահանջին չենթարկվելու պատճառով իսրայելցի զինվորների հարձակման հետևանքով Թուրքիայի 9 քաղաքացի էր զոհվել:
Այալոնի կարծիքով՝ ամերիկա-պակիստանյան հարցի լուծման մոդելը հիանալի հիմք է այս հարցը ևս կարգավորելու համար:
