Վրաստանի նախկին վարչապետ Բիձինա Իվանիշվիլին հայտարարել է, որ Վրաստանը պետք է կարողանա գոյակցել Ռուսաստանի հետ: «Գրուզիա Օնլայնի» հաղորդմամբ՝ Հանրային հեռարձակողի եթերում Իվանիշվիլին հայտարարել է, որ դա հաջողվել է այլ պետությունների, ուստի պետք է կարողանա նաև Վրաստանը:
«Պետական պաշտոնյաները պետք է հոգան երկիրը տարատեսակ ձախորդություններից պաշտպանելու մասին: Մենք պետք է կարողանանք գոյակցել Ռուսաստանի հետ և երբեք չպետք է մտածենք, որ երբևէ կխաբենք և կճնշենք: Երբեք չի կարելի մտածել միայն սեփական շահերի մասին, եթե ուզում ես գոյակցել: Դու պետք է մտածես նրա շահերի մասին, որպեսզի քո կյանքը հետաքրքիր լինի նաև նրա համար: Դա հաջողվել է ուրիշներին, և մենք էլ դա պետք է կարողանանք: Նման շատ օրինակներ կան, որոնք մենք պետք է կրկնենք»,- հայտարարել է Իվանիշվիլին:
Նրա խոսքով՝ «չի կարելի վիրավորել ռուսական պետությունը»: «Չի կարելի պետությունը վիրավորել: Ռուսաստանի այսօրվա քաղաքականությունը, իհարկե, ճիշտ չէ և մեծ խնդիրներ է ստեղծում ամբողջ աշխարհի համար»,- նշել է Իվանիշվիլին:
