Ղազախստանի խորհրդարանի ստորին պալատը հավանություն է տվել Հայաստանի՝ Եվրաստաիան տնտեսական միությանը անդամակցության պայմանագրի վավերացմանը: Այս մասին հաղորդում է «Նովոստի Կազախստան» գործակալությունը:
Ազգային էկոնոմիկայի նախարար Էրբալոտ Դոսաևը հիշեցրել է, որ Հայաստանի անդամակցության մասին պայմանագիրը ստորագրվել է այս տարվա հոկտեմբերի 10-ին Մինսկում: Փաստաթղթի՝ ուժի մեջ մտնելու պահից Հայաստանը դառնում է ԵՏՄ անդամ և պարտավորվում համապատասխանել ՄՄ և ԵՏՄ իրավական բազայի նորմերին:
«Հայաստանի անդամակցությունը Եվրասիական տնտեսական միությանը հսկայական դեր է խաղում, քանի որ մենք համագործակցում ենք Հայաստանի հետ, և մեր այդ համագործակցությունը նպաստում է մեր երկրների միջև տնտեսական զարգացմանը: Հայաստանի անդամակցության շնորհիվ մենք նախատեսում ենք զարգացնել մեր օրենսդրական հետաքրքրությունները»,- ասել է Դոսաևը:
