ԱՄՆ հեռանկարային պաշտպանական գիտահետազոտական գործակալությունն աշխատում է հակամարտության գոտում նյութատեխնիկական միջոցների ապահովման և գործարկման համար ծախսերի կրճատման ուղղությամբ: Զինվորականները ծրագրում են ծովի հատակում թողնել սարքավորումներ, որոնք անհրաժեշտության դեպքում կարող են դուրս բերվել այնտեղից և օգտագործվել ժամանած ուժերի կողմից:
Խոսքը ոչ թե զինամթերքի, այլ կապի և հետախուզության միջոցների մասին է: Դրանք չեն վտանգի շրջակա միջավայրը և չեն խախտի միջազգային կոնվենցիաների դրույթները:
Այս նոր կապսուլները կարող են գաղտնի տեղադրվել ջրի տակ, իսկ նրանց դուրս բերումն ու գործարկումը կարելի է իրականացնել շտաբից տված ազդանշանի հիման վրա` ավտոմատացված եղանակով:
Հիմնականում այս եղանակով կպահվեն անօդաչու սարքերը, որոնք անհրաժեշտության դեպքում ջրի տակից միանգամից օդ կբարձրանան: Նման սարքավորումների տեղադրումը կարող է տևել մի քանի շաբաթից մինչև մի քանի ամիս: Դրանք կպահվեն շատ մեծ խորության տակ, որպեսզի հայտնաբերել հնարավոր չլինի:
Մասնագետներն այժմ ուսումնասիրություններ են կատարում ջրային հեռահաղորդակցության և նավթահետախուզության ոլորտում: Ծրագրի ղեկավարը նշում է, որ այս եղանակով դրանք սարքավորումների տրամադրման գործում տալիս են այլընտրանք, որը չի պահանջում ավիացիայի և նավատորմի ներգրավում:
