Յուրահատուկ դեպք բժշկական գործում՝ գերմանացի բժիշկները հիվանդի մարմնում, որին քաղցկեղային ուռուցքի հեռացման վիրահատություն են արել, 16 տարբեր գործիքներ են մոռացել, ներառյալ՝ վիրաբուժական ասեղներ:
Հիվանդը, որի մարմնում վիրահատությունից հետո թողել են գործիքները, մահացել է: Նրա ընտանիքը բժիշկներին դատի է տվել և հույս ունի հիվանդանոցից 120 000 դոլար փոխհատուցում ստանալ:
Բժիշկները 74-ամյա Դիրք Շրեդերին և նրա ընտանիքին հավաստիացրել են, որ նա կապրի ևս ամենաքիչը 6 տարի: Սակայն մի քանի ամիս անց նա հիվանդանոց է վերադարձել: Նրան հետազոտած բուժքույրը սարսափել է՝ տեսնելով նրա վերքից դուրս ցցված թանզիֆի հսկայական կտորը:
Ավելի ուշ բժիշկները նրա մարմնից հեռացրել են ասեղներ, թանզիֆի 6-դյույմանոց կտոր, մի քանի տամպոն և վիրաբուժական դիմակի մաս: Դեպքը տեղի է ունեցել 2009-ին:
Հիվանդանոցում, որի անունը չի հրապարկվում, պնդում են, որ տղամարդու մարմնից հանած առարկաները մոռացված չեն եղել: Նրանց կարծիքով՝ տղամարդն ինքը կարող էր կուլ տալ այդ իրերը: