Թուրքիայի կառավարությունն անում է հնարավոր ամեն բան կանանց զբաղվածության մակարդակի բարձրացման համար: Այս մասին հայտարարել է Ընտանիքի և սոցիալական քաղաքականության հարցերով նախարար Ֆաթմա Շահինը՝ փոխանցում է MK-Turkey կայքը:
Երեկ Ստամբուլում կայացած «Հավասարություն աշխատանքի ոլորտում» թեմայով հանդիպման ժամանակ նա ընդգծել է, որ դեռևս 2008 թվականին Թուրքիայի վարչապետը ստորագրել է հակախտրական որոշում, որով ամրագրվել է հավասար աշխատանքի դիմաց հավասար վարձատրության սկզբունքը:
Այդ ժամանակ Թուրքիայում գործազրկության մակարդակը բավականին բարձր էր: 2008 թվականից աշխատանքի է անցել 4.5 միլիոն մարդ, որից 1.5 միլիոնը կանայք են:
Շահինը պատմել է, որ Աշխատանքի նախարարությունը աշխատում է ոչ լրիվ աշխատանքային օրով կամ հեռակա կարգով աշխատողների սոցիալական ապահովության նախագծի վրա:
Նախարարը նաև հայտարարել է, որ աշխատող մայրերին ոչինչ չպետք է խանգարի, և այդ ուղղությամբ կարևորագույն քայլը ձեռնարկություններին կից մանկապարտեզների ստեղծումն է:
