Ասլան Ուսոյանի սպանության փաստով հարուցվել է քրեական գործ` սպանության և զենքի ապօրինի շրջանառության հատկանիշներով: Այս մասին Interfax-ին տեղեկացրել են ՌԴ Քննչական կոմիտեից:
ՌԴ ուժային կառույցների աղբյուրը հայտնել է, որ Դեդ Հասանին սպանել են Մոսկվայի ժամանակով ժամը 14:30-ին՝ «Կարետնի դվոր» ռեստորանից դուրս գալիս: Ուսոյանը մահացու վնասվածքներ էր ստացվել, կոմայի վիճակում Բոտկինսկայա հիվանդանոց տեղափոխվելուց 10 րոպե անց՝ վախճանվել: Նրա մահափորձի ժամանակ մի կին է տուժել, որը, ինչպես պարզվել է, ռեստորանի աշխատակցուհին է: Փամփուշտը դիպել է նրա ոտքին:
Ծագումով Վրաստանից, 73-ամյա Ուսոյանի դեմ վերջին տարիներին սա արդեն երկրորդ մահափորձն է: 2010 թվականի սեպտեմբերի 16-ին անհայտ անձը նրա ուղղությամբ կրակ էր արձակել Տվերսկի փողոցի 12/7 հասցեում գտնվող շենքի մուտքի մոտ:
Ի դեպ, հայտնաբերվել է այն վայրը, որտեղից կրակ է արձակվել Ուսոյանի վրա: Գործարարի վրա կրակել են Պովարսկայա փողոցի շինության տանիքից: Դարանակալման համար դիպուկահարը ընտրել է այն շենքը, որում գտնվում է հայտնի պոետ Սերգեյ Միխալկովին պատկանող բնակարանը: Ի դեպ, կրակն արձակելու պահին հանցագործը եղել է հենց նրա պատուհանների վերևում: