Միացյալ Թագավորության քաղաքացիները այլևս չեն դատապարտվի ոստիկանական շների վրա հաչալու ու ոստիկանության ձիերի նկատմամբ ոչ ավանդական սեռական կողմնորոշման կասկածանքի պատճառով: Օրենքում նման փոփոխություններ կատարելու առաջարկով հանդես է եկել անձամբ «Միսթր Բինը»՝ Ռոուեն Ատկինսոնը` հայտնում է «Գոլոս Ռոսիի»-ն:
Մեծ Բրիտանիայի ներքին գործերի նախարար Թերեզա Մեյը հայտարարել է, որ երկրի կառավարությունը հավանություն է տվել Լորդերի պալատի առաջարկած փոփոխություններին, համաձայն որոնց` կհանվի Հասարակական կարգի մասին օրենքի 5-րդ հոդվածի «վիրավորական խոսքերին» վերաբերող կետը:
Այդ կետը հասարակական քննադատության էր արժանացել երկու աբսուրդային դեպքերից հետո, որոնք տեղի էին ունեցել 2007 և 2008 թվականներին. օքսֆորդցի ուսանողը հեծյալ ոստիկանից հետաքրքրվել էր՝ արդյոք նա գիտի՞, որ իր ձին միասեռական է, իսկ 16-ամյա մի դեռահաս շան պես հաչացել էր ոստիկանական լաբրադորի վրա: Երկու կատակասերներն էլ կալանավորվել էին և համապատասխանաբար տուգանվել 80 և 150 ֆունտ սթեռլինգով:
Օրենքում փոփոխություններ կատարելու ակտիվ մասնակիցներից է Մեծ Բրիտանիայի սիրելի կատակերգակ դերասան Ռոուեն Ատկինսոնը, ով հայտարարել էր, որ մարդկանց հետապնդում են «վիրավորանքի» համար:
