Ազատամարտիկների դեմ վերջին շրջանի բռնությունները, եթե նրանք քրեական տարրեր չեն, այլ նվիրյալ զավակներ են, ազգի դեմ ուղղված անբարո քայլ է, որը ես՝ որպես ծնող, որպես մարդ, որպես հայորդի չեմ ընդունում: Այս մասին «Առաջին լրատվականի» հետ զրույցում ասաց ազատամարտիկ Անդրանիկ Շահբազյանը:
«Չի կարելի թույլ տալ, որ քո բարերարին վիրավորեն: Ի՞նչ է նշանակում, մարդն իր կյանքը դրել է քո ազգի, քո ապագայի համար, ու հանկարծ դու վիրավորում ես նրան, չի կարելի նման բան թույլ տալ, դա շատ վտանգավոր է, որի հետևանքները կարող են շատ անցանկալի լինել: Ես չէի ուզենա, որ մենք ազգամիջյան կռիվների միջով անցնենք»,- ընդգծեց նա:
Ինչ վերաբերում է ազատամարտիկների՝ տարբեր թևերի բաժանվելուն, Շահբազյանը նկատեց. «Դե, վտանգն էլ հենց այն է, որ կարող է եղբայրը եղբոր դեմ դուրս գալ: Դա սադրանք է, սարքած բան է, ու ազատամարտիկները պետք է փոխըմբռնումով հասկանան իրավիճակն ու նման քայլի չգնան: Դա դիվային խառնակություն է, որն ինչ-որ մի ուժ դրդում է բախման»:
Ավելին՝ տեսանյութում:
