Ադրբեջանական Trend.az կայքի փոխանցմամբ, Ադրբեջանի Միլի մեջլիսի (խորհրդարան) պատգամավոր, պաշտպանության ու անվտանգության կոմիտեի անդամ Սիյավուշ Նովրուզովը հայտարարել է, որ Ադրբեջանում ռազմական ոլորտի օրենքները կհամապատասխանեցվեն նրա ռազմական դոկտրինին.
«Անհրաժեշտ է ռազմական ոլորտի մի շարք օրենքներում լրացումներ ու փոփոխություններ իրականացնել: Ռազմական ոլորտի բարեփոխումներին համապատասխան կանցկացվեն երկրի ռազմական օրենսդրության բարելավման շուրջ մի շարք քննարկումներ: Անհրաժեշտ է ուղղումներ ու փոփոխություններ մտցնել «Զինծառայության» և «Զորակոչի» մասին օրենքներում:
Հիշեցնենք, որ Ադրբեջանի ռազմական դոկտրինը ընդունվել է նախորդ տարվա հունիսի 8-ին: Այն բաղկացած է 7 հիմնական դրույթներից ու 75 կետերից:
