Ռուսաստանի Դաշնության նախագահ Դմիտրի Մեդվեդևը ապրիլի 1-ը շփվել է Comedy club նախագծի մասնակիցների հետ, որոնք Մեդվեդևին նվիրել են iPad պլանշետային համակարգիչ` իրենց ելույթների և հաղորդումների տեսանյութերով: Comedy club-ի անդամները ամանորյա շնորհավորանքով Ռուսաստանի առաջին դեմքի անունից դիմել են ՌԴ նախագահին: Այս մասին հաղորդում է RIA-Novosti գործակալությունը:
Հանդիպումը տեղի է ունեցել ՌԴ նախագահական նստավայրում մերձմոսկովյան Գորկիում: Նախագծի մասնակիցները հետաքրքրվել են Մեդվեդևից` արդյոք նրան արդեն խաբել են այսօր, ինչին Մեդվեդևը պատասխանել է. «Դեռ ոչ, հուսով եմ` դուք դա կանեք»:
