Վարիկոզը համարվում է քաղաքակրթության հիվանդություն: Այն ենթամաշկային երակի լայնացումն ու արտափքումն է, որը հանդիպում է երկրագնդի բնակչության գրեթե կեսի մոտ:
Հիվանդության պատճառ կարող են լինել՝ երկար ժամանակ ոտքի վրա մնալը, հարթաթաթությունը, իսկ ամենատարածված պատճառը՝ կապակցող հյուսվածքի ժառանգական թուլությունն է:
Հղիների մոտ երակների լայնացումը՝ ուղիղ համեմատական է հղիության քանակին: Որքան հղիություն, այնքան արտահայտված է վարիկոզ հիվանդությունը, քանի որ ավելորդ քաշը նույնպես նպաստում է հիվանդության ի հայտ գալուն:
Վարիկոզ հիվանդության առաջին ախտանիշներն են՝ ոտքի երակներում այրոց և ցավ, ոտքերի ծանրության զգացում և այտուցվածություն, արտահայտված, լայնացած երակներ:
Հիվանդությունն ինքնուրույն երբեք չի բուժվում։ Այն զարգանալով կարող է առաջացնել շատ ծանր բարդություններ:
Ներկայացնում ենք, մեկ անգամ հղիություն տարած քսանմեկամյա կնոջ վիրահատություն՝ լազերային եղանակով:
Վիրահատությունը կատարում է «Էրեբունի» բժշկական կենտրոնի անոթային և լազերային վիրաբուժության ծառայության ղեկավար, բժշկական գիտությունների թեկնածու Արամ Բադալյան