Սթիվեն Սփիլբերգը կդառնա «Յուրյան դարաշրջանի այգի 4» ֆիլմի պրոդյուսերը։ Այս մասին հայտնում է Deadline-ը: Բացի դրանից, Universal Pictures ստուդիան նշել է ֆիլմի վարձույթ հանվելու ճշգրիտ ամսաթիվը, այն է՝ 2014-ի հունիսի 13-ը:
Ով կլինի ֆիլմի ռեժիսորն, առայժմ հայտնի չէ: Ավելի վաղ հայտնում էին, որ սցենարը գրելը վստահել են Ռիկ Ջաֆֆին և Ամանդա Սիլվերին: Նոր ֆիլմի նկարահանումները դեռ չեն սկսվել:
Սթիվեն Սփիլբերգը եղել է «Յուրյան դարաշրջանի այգի» առաջին ֆիլիմի ռեժիսորը, որը թողարկվել է 1993-ին: Ֆիլմի երկրորդ՝ «Յուրյան դարաշրջանի այգի. կորսված աշխարհ» մասը թողարկվել է 1997-ին, այն ևս նկարահանել էր Սփիլբերգը։ Երրորդ մասը (2001 թ.) նկարահանել է Ջո Ջոնսթոնը, Սփիլբերգը եղել է միայն պրոդյուսերը:
«Յուրյան դարաշրջանի այգի 4»-ը կթողարկվի 3D ձևաչափով, բայց մինչ այդ Universal Pictures-ը 2013-ի ապրիլին նույն ձևաչափով կվերաթողարկի «Յուրյան դարաշրջանի այգի» ֆիլմի առաջին մասը:
