Indiegogo-ն ցուցադրել է «խելացի» պայուսակի նախագիծ, որն ունի GPS համակարգ, հետևում է ուղևորության երթուղուն ու կարող է 6 անգամ լիցքավորել ժամանակակից սմարթֆոնը:
Որքան մարդ կկորցներ օդանավակայանում իր ուղեբեռը, եթե պայուսակի նախագիծը մոտ մեկ ամսում չհավաքեր ավելի քան 1 մլն դոլար, ու դա նախնական պահանջված 50 հազար դոլարի դիմաց՝ գրում է style.rbc.ru-ն:
Պայուսակը կոչվում է Bluesmart, ու դրա համար մշակվել է հատուկ հավելված, որը այն յուրահատուկ է դարձնում:
Ծրագրով հնարավոր է հետևել իրերի գտնվելու վայրին (իրական ժամանակում քարտեզի վրա), բացել ու փակել կողպեքը. եթե պատահաբար մոռանաք ձեր ուղեբեռը ինչ-որ տեղում, հավելվածը ձեզ կտեղեկացնի այդ մասին:
Այդ ամենից բացի՝ Bluesmart-ում տեղադրվել է նաև 37 վատտանոց մարտկոց, որի օգնությամբ հնարավոր է հեռախոսն ամբողջությամբ լիցքավորել 6 անգամ:
Պայուսակը անգամ կարող է ինքն իրեն կշռել՝ դա օգտակար է այն դեպքում, եթե մտավախություն ունեք, որ ձեր ուղեբեռը կգերազանցի թույլատրելի քաշը:
Bluesmart-ը պատրաստված է 3 շերտ պոլիկարբոնատից, որը այն դարձնում է թեթև ու ամուր: Պայուսակը նաև անջրանցիկ է: Կարկասը ամրացված է ալյումինով:
Պայուսակը կարելի է ձեռք բերել 235 դոլարով:
