2012 թ. նոյեմբերին, տարեսկզբի համեմատ, ՀՀ-ում պաշտոնապես գրանցված գործազուրկների թիվն ավելացել է: Ազգային վիճակագրական ծառայության տվյալների համաձայն, անցած տարի հունվարին պաշտոնապես գրանցված գործազուրկների թիվը մեր երկրում եղել է 87.4 հազար, տարվա ընթացքում որոշ չափով փոփոխվել է, իսկ նոյեմբերին հասել է 90.3 հազարի:
Ընդ որում, եթե 2011 թ. համապատասխան ամսվա համեմատ հունվարին պաշտոնապես գրանցված գործազուրկների թիվը նվազել էր 5200-ով, ապա նոյեմբերին այդ ցուցանիշը 12-ամսյա կտրվածքով ավելացել է 3300-ով:
Պաշտոնապես գրանցված զբաղվածների թիվը ՀՀ-ում 2012-ի նոյեմբերին, 2011-ի նոյեմբերի համեմատ, նվազել է 15.7 հազարով: Այսինքն՝ ավելի քան 15 հազար մարդ պաշտոնապես համալրել է գործազուրկների շարքերը: Իսկ թե ո՞ւր մնացին կառավարության չինովնիկների հայտարարած «նոր բացված աշխատատեղերը»՝ հայտնի չէ:
