Նավթի գնի անկումն ըստ ամենայնի շուտով կավարտվի՝ կարծում է բրիտանացի տնտեսագետ Լիամ Հոլիգանը՝ փոխանցում է The Telegraph-ը:
Նրա խոսքով՝ նավթը ներկայումս ակտիվորեն վաճառում են ավելի շատ, քան արտադրում են: Տնտեսագետը ենթադրում է, որ 2008-ի ոգով համաշխարհային շուկայում համակարգված անկման բացակայությունը 2015-ի կեսերին կհանգեցնի 1 բարել նավթի 100 դոլար արժեքին:
Հոլիգանի խոսքով՝ վերջին տասնամյակում նավթի օրական համաշխարհային արդյունահանման աճի մեծ մասը բաժին է ընկնում «ոչ ավանդական նավթին», որի արտադրությունը սովորաբար պահանջում է մեկ բարելի դիմաց 80-100 դոլար: Դա արտադրությունն անշահավետ է դարձնում ներկայիս որոշ արտադրողների համար, ինչը գների հետագա աճի նախապայմաններ է ստեղծում՝ կարծում է տնտեսագետը:
Նա լուրջ չի համարում Սաուդյան Արաբիայի և ԱՄՆ-ի դավադրության մասին տեսությունը՝ նավթի գինը ցածր պահելու նպատակով:
Տնտեսագետի խոսքով՝ նավթի ցածր գները կհարվածեն «թերթաքարային հեղափոխությանը» ԱՄՆ-ում: 70 դոլարով թերթաքարային նավթի շատ արտադրողներ չեն կարողանա նման պայմաններում գործել:
