Շաբաթ երեկոյան Լաս Վեգասում անցկացված «Միսս Ամերիկա-2013» մրցույթի հաղթող է դարձել Նյու Յորքի Բրուկլին շրջանի բնակիչ, 23-ամյա Մելորի Հեյգանը: Այս մասին հայտնում է Associated Press-ը:
Եզրափակիչում հաղթանակի ճանապարհին նա ստեպ է պարել Ջեյմս Բրաունի Get Up Off of That Thing ստեղծագործության հնչյունների ներքո: Մրցույթի ժամանակ աղջիկներին ավանդաբար հարցեր են տրվում: Հեյգանին հարցրել են՝ պե՞տք է արդյոք ամերիկյան տարրական դպրոցներում զինված պաշտպանություն, աղջիկը պատասխանել է, որ չի կարելի բռնության դեմ բռնությամբ պայքարել:
«Միսս Ամերիկա-2013» տիտղոսակիրը գեղեցկության թագ և 50 հազար դոլարի գրանտ է ստացել երկրի բարձրագույն ուսումնական հաստատություններից մեկում կրթության վճարի համար: Այս տարի Հեյգանն այցելություններ կկատարի երկրի տարբեր շրջաններ, կհանդիպի բնակիչներին: Որպես բարեգործական առաքելություն գեղեցկուհին պետք է միջոցներ հավաքի՝ աջակցելու մանկական բժշկական հաստատությունների Children’s Miracle Network ցանցին: Նրա ելույթի թեման կլինի երեխաների նկատմամբ բռության դեմ պայքարը:
Երկրորդ և երրորդ տեղերը զբաղեցրել են «Միսս Հարավային Կարոլինա» մրցույթի հաղթող Էլի Ռոջերսը և «Միսս Օկլահոմա»-ի տիտղոսակիր Էլիսիա Քլիֆթոնը:
