Ճապոնիայի հյուսիսային Հոկայդո կղզու Ասահիկավա քաղաքի ոստիկանությունը հայտնել է 27 և 34 տարեկան երկու մարդու ձերբակալության մասին, ովքեր շաբաթվա սկզբից հասցրել էին 16 հազար ամանորյա բացիկներ գողանալ: Այս մասին հայտնում է RIA Novosti-ն:
Հանցագործները գողությունն իրականացրել էին շուրջօրյա աշխատաժամանակով ոչ մեծ խանութներից, որտեղ միայն մեկ վաճառող է աշխատում: Մինչ նրանցից մեկը զբաղեցրել էր վաճառողին, մյուսը հասցրել էր գողանալ բացիկները: Նրանք գողություն են արել ընդհանուր առմամբ 26 խանութից՝ գողանալով 16 հազար բացիկ:
Հինգշաբթի նրանք մեղայականով և գողոնով ներկայացել էին ոստիկանություն: Նրանք հայտնել էին, որ մտադիր էին դրանք վաճառել գումար աշխատելու նպատակով: Մեկ բացիկն արժե 0.5 դոլար:
Չնայած սոցցանցերով ու էլեկտրոնային փոստով Ամանորի շնորհավորանքների աճող ժողովրդականությանը, ճապոնացիները շարունակում են մեծ նշանակություն տալ փոստային բացիկներին:
Մեկ տարում ճապոնացիներն ուղարկում են մոտ 4 մլրդ բացիկ:
