Շատերը Նոր տարուն իրենք իրենց խոստանում են նոր կյանք սկսել և հրաժարվել վնասակար սովորություններից: Ամենից հաճախ մարդիկ խոստանում են ազատվել նիկոտինային և ալկոհոլային կախվածությունից: Սակայն Բրիտանիայում կատարված հետազոտությունը ցույց է տվել, որ հունվարին ալկոհոլից հրաժարվելը խստիվ հակացուցված է: Լավ վարքի ցուցանիշ լինելու փոխարեն՝ դա նշանակում է ավելի մեծ խնդրի առկայություն, հայտնում է raut.ru-ն:
Եվ չնայած մարդկանց մեծամասնությունը հունվարին հրաժարվում է ալկոհոլից, հենց նրանք են փետրվարին կրկնակի շատ խմում: Իրականում այդ մարդիկ չեն ուզում թողնել խմելը, նրանք իրենց ժամանակավոր հանգիստ են տալիս, հետո փետրվարի 1-ին վերադառնում են կործանարար սովորությանը՝ միայն սրելով իրավիճակը: Մարդու բնության մեջ կարծես կախարդական փայտիկի օգնությամբ վնասակար սովորություններից ազատվելու ցանկություն կա: Դա նման է մի ափսե բրոկոլի ուտելու փոխարեն վիտամին խմելուն: Բժշկական տեսանկյունից՝ շատ ավելի լավ է խմել չափավոր, շաբաթը մեկ անգամ, քան հրաժարվել դրանից մեկ տարով:
Շաբաթական 2 կամ 3 օր ալկոհոլ չօգատգործելն ամենաանվտանգ եղանակն է, այն ավելի անվտանգ է, քան ամեն օր քիչ-քիչ խմելը: Մյուս պատճառը, որ ավելի լավ է՝ չհրաժարվել ալկոհոլից (քիչ քանակությամբ), այն է, որ այն քիչ քանակությամբ օգտագործելն օգտակար է առողջության համար. խոչընդոտում է սրտանոթային հիվանդությունների առաջացմանը:
