Հարավկորեացի ռեփեր Psy-ն դարձել է Wonderful Pistachios-ի նոր գովազդային տեսահոլովակի գլխավոր հերոսը` հաղորդում է USA Todaу-ը:
Առայժմ տեսանյութը չի ցուցադրվել:
Հայտնի է, որ պիստակների գովազդում կանաչ պիջակով ռեփերը կերգի իր Gangnam Style հիթը: Բացի այդ՝ 30-վայրկյանանոց տեսահոլովակի համար Psy-ն կփոխի իր երգի տեքստը: Դրանում, ինչպես նշում է The Hollywood Reporter-ը, կարող են հայտնվել պիստակներին նվիրված տողեր: Ռեփերը պետք է ցույց տա նաև դրանք բացելու նոր եղանակ:
Wonderful Pistachios-ը կդառնա հարավկորեացի ռեփերի՝ ամերիկյան գովազդում հայտնվելու առաջին փորձը:
Արտադրողների համար սա կլինի առաջին հոլովակը՝ նվիրված հատուկ Ամերիկյան ֆուտբոլի Սուպեր գավաթին (Super Bowl):
