Nokia-ի բաժնետոմսերի գինն աճել է գրեթե 20%-ով՝ այն բանից հետո, երբ ֆիննական կազմակերպությունը հրապարակել էր վաճառքի նախնական կանխատեսումները։
Երևանի ժամանակով 19։50-ի դրությամբ՝ Nokia-ի բաժնետոմսերի գինն աճել է 16,9%-ով՝ $4,39 մեկ բաժնետոմսի դիմաց, օրվա ընթացքում աճել է 20%-ով։
Nokia-ն հայտարարել է, Devices&Services բաժանմունքը չորրորդ եռամսյակում գերազանցել է սպասումները։ Պատճառներից մեկը Lumia սմարթֆոների վաճառքի աճն է։ Նախնական տվյալներով՝ նախորդ եռամսյակում Lumia-ի վաճառքը 2,9 մլն հատից աճել է 4.4 մլն-ի։
Devices & Services-ի վաճառքի ընդհանուր ծավալը կազմել է €3,9 մլրդ, վաճառվել է 86,3 մլն սարքավորում։
Ավելի վաղ Nokia-ն որոշում էր ընդունել Lumia 900 սմարթֆոնի գինը ԱՄՆ-ում իջեցնել մինչև $49,99։ Գների անկումը պայմանավորված է կազմակերպության ֆինանսական խնդիրների հետ, որոնք առաջացել են սմարթֆոների շուկայի բաժնեմասի կորստով։ Այս մասին գրում է MarketWatch-ը։
