Քլիվլենդում 12-ամյա տղային, որը կեղծ ատրճանակ է թափահարել, ոստիկանները գնդակահարել են. ավելի ուշ երեխան հիվանդանոցում մահացել է ստացած վերքերից:
Գնդակահարությունը տեղի է ունեցել այն բանից հետո, երբ ոստիկանության սպաները արձագանքել են հաղորդագրությանը, որ փոքրիկ երեխան մարդկանց ուղղությամբ զենք է թափահարում:
Տղամարդը, որը զանգել էր փրկարար ծառայություն, հայտնել էր դիսպետչերներին, որ տղան այգով քայլում է, ենթադրաբար, կեղծ ատրճանակով ու վախեցնում է անցորդներին:
Ոստիկանների խոսքով՝ սպան երեխայի վրա կրակել է երկու անգամ, երբ տղան փորձել է դուրս քաշել գոտուց կեղծ ատրճանակը:
Ընդ որում՝ երեխան զենք չի պահել ոստիկանների վրա, այլ պարզապես ձգվել է դեպի ատրճանակը, երբ հրամայել են բարձրացնել ձեռքերը:
Ավելի վաղ հաղորդվում էր, թե տղան վիրավոր է:
