Բրիտանացի գիտնականները հաստատել են, որ կանանց 60%-ն իրեն թույլ է տալիս ձմռանը ավելորդ քաշ հավաքել:
Նման տվյալներ ստացվել են հարցման արդյունքում, որին մասնակցել են 2000 կին ու տղամարդ: Հետազոտողները նշում են, որ հարցման մասնակիցների մեծամասնությունն ընդունել է, որ ձմռանը ավելի քիչ են հետևում իրենց:
Այսպես՝ 10 կանանցից 6-ը թույլ է տալիս իրեն ավելորդ կիլոգրամներ հավաքել, քանի որ դրանք հեշտ է թաքցնել հաստ ձմեռային հագուստի տակ: Հարցվածների 48%-ը հաղորդել է այն մասին, որ ձմռանն ավելի հակված են կալորիաներով հարուստ սննդի:
Բացի այդ, բրիտանացիների կեսն ընդունել է, որ ձմռանն ավելի ալարկոտ է դառնում, հրաժարվում է սպորտով զբաղվելուց և նախընտրում է ազատ ժամանակն անցկացնել հեռուստացույցի առաջ: