Ամերիկացի հայտնի ներդրող Ուորեն Բաֆեթը Bloomberg-ին տված հարցազրույցում հայտարարել է, որ ԱՄՆ բանկերը վերականգնել են իրենց կապիտալը այնքան, որ այլևս վտանգ չեն ներկայացնում երկրի տնտեսության համար:
«Բանկերն այս երկիրը չեն գցի աղետալի դրության մեջ. ես դա երաշխավորում եմ»,- ասել է նա:
«Մեր բանկային համակարգը գտնվում է վերջին շրջանի իր լավագույն վիճակում»,- ընդգծել է Բաֆեթը:
Ամերիկյան վարկային խոշորագույն կազմակերպություններից Bank of America-ն ու Citigroup-ը վաճառել էին իրենց ակտիվների մի մասը, կրճատել աշխատակիցների թիվը, ինչի շնորհիվ վերականգնվել էր նրանց ֆինանսական վիճակը` հիշեցնում է գործակալությունը:
Բաֆեթի Berkshire Hathaway ներդրումային հիմնադրամը մասնաբաժիններ ունի ԱՄՆ 7 խոշորագույն բանկերից 4-ում:
«Կարծում եմ՝ 9 տարի անց Bank of America-ն, Wells Fargo-ն և, հավանաբար, այլ խոշորագույն բանկեր կարժենան անհամեմատ թանկ, քան հիմա է»,- ասել է Բաֆեթը: