Իրանի արտգործնախարար Ալի Աքբար Սալեհին հեռախոսազրույց է ունեցել իր թուրք գործընկերոջ` Ահմեդ Դավութօղլուի հետ: Այս մասին հաղորդում է Trend գործակալությունը` վկայակոչելով Թուրքիայի ԱԳՆ-ն:
Սալեհին, մասնավորապես, շնորհակալություն է հայտնել Դավութօղլուից Սիրիայի ընդդիմադիրների կողմից առևանգված 48 իրանցիներին ազատելու գործում Թուրքիայի տրամադրած օգնության համար:
Հիշեցնենք, Իրանի քաղաքացիներին ազատ արձակելու դիմաց Սիրիայի իշխանություններն ազատել են ցույցերի ընթացքում ձերբակալված 2100 բանտարկյալների:
Սիրիայում ավելի քան մեկուկես տարի շարունակվում են բախումները երկրի կառավարական զորքերի և ընդդիմադիր ուժերի միջև: ՄԱԿ տվյալների համաձայն` այս ընթացքում զոհվել է ավելի քան 60 հազար մարդ, փախստական է դարձել ավելի քան 230 հազար սիրիացի:
