Լինի թեթև կտրվածք, թե մարտի դաշտում ստացած ծանր վնասվածք, կարևոր է արագ կանգնեցնել արյունահոսությունը, և նոր գելը, որը մշակվում է Նյու Յորքում, հաջողությամբ կհաղթահարի դա, գրում է Mail Online-ը:
Ամերիկայի գիտնականների կողմից ստեղծված գելը կօգնի կյանքեր փրկել, քանի որ այն ընդամենը մի քանի վայրկյանում կարող է ուժեղ արյունահոսություն կանգնեցնել: Պատրաստված լինելով բուսական պոլիմերներից՝ VetiGel-ը ակտիվացնում է օրգանիզմի ապաքինման մեխանիզմները՝ շփման արդյունքում մակարդելով արյունը:
Հրաշք գելը ստեղծվել է բիո-մոլեկուլյար, ինժեներ-քիմիկ Ջո Լանդոլինայի կողմից, ով Բրուքլինում հիմնել է Suneris ընկերությունը:
Շփման ժամանակ գելը փոխում է ոչ միայն ձևը, այլև գույնը: Դրանից բացի այն հակամիկրոբային հատկություններ ունի, իսկ ստերիլ պայմաններում օգտագործելիս այն վերքերը բուժելու անվտանգ միջոց է համարվում:
Իսկ դաշտային պայմաններում գելը կարող է որպես արյունահոսությունը կանգնեցնելու ժամանակավոր մեթոդ հանդիսանալ:
Գելը ստեղծողի խոսքերով՝ նոր տեխնոլոգիան կօգնի կյանքեր փրկել և վերքերը բուժելու միջոցների շուկայում կզբաղեցնի գրեթե 80%-ը:
