Դորտմունդի «Բորուսիա»-ի գլխավոր մարզիչ Յուրգեն Կլոպը հայտնել է, որ հարձակվող Ռոբերտ Լևանդովսկին, հավանաբար, կլքի ակումբը, սակայն ղեկավարությունը կանի հնարավորը, որպեսզի լեհ ֆուտբոլիստը շարունակի իր ելույթները Դորտմունդում:
Ֆուտբոլիստի` գերմանական գրանդի հետ պայմանագրի ժամկետն ավարտվում է 2014 թվականի ամռանը: Կողմերին չի հաջողվել համաձայնության գալ նոր պայմանագրի շուրջ, այդ պատճառով «Բորուսիա»-ն կարող է վաճառել Լևանդովսկու տրանսֆերը «Մանչեսթեր Յունայթեդ»-ին:
«Մենք լավ պայմանագիր կառաջարկենք Լևանդովսկուն, սակայն պետք է հաշվի առնենք նաև ֆուտբոլիստների ցանկությունը: Այժմ կարող եմ ասել, որ մեր ճանապարհները, հավանաբար, կբաժանվեն, և Ռոբերտի հեռանալը գրեթե անխուսափելի է»,- գերմանական լրատվամիջոցներին տված հարցազրույցում նշել է Կլոպը:
