Հայաստանը միակողմանիորեն վերացնում է այցագրային ռեժիմը Եվրամիության հետ: ԵՄ անդամ երկրների քաղաքացիներին 2013 թվականի հունվարի 10-ից կթույլատրվի Հայաստանում առանց այցագրի մնալ տարեկան մինչև 90 օր:
Դա վերաբերում է նաև ԵՄ անդամ չհանդիսացող, սակայն Շենգենյան գոտու մաս կազմող Շվեյցարիայի քաղաքացիներին:
Այսպիսով՝ Հայաստանը Ուկրաինայից, Վրաստանից և Մոլդովայից հետո դարձել է 4-րդ երկիրը, որը միակողմանիորեն վերացրել է այցագրային ռեժիմը եվրոպացիների համար:
Հայաստանն ինքը ունի փոխադարձ անայցագիր ռեժիմ առնվազն 20 երկրի հետ, այդ թվում՝ Վրաստանի, Ռուսաստանի և նախկին խորհրդային երկրների մեծ մասի հետ:
Ներկայումս կառույցի հետ ՀՀ Ասոցիատիվ անդամակցության պայմանագրի շրջանակներում պատրաստվում է Հայաստանի՝ ԵՄ երկրների հետ պարզեցված վիզայի համակարգի անցնելու ընթացակարգ:
