ԱՄՆ-ում ողբերգություն է տեղի ունեցել, որը կրկին բարձրացրել է քաղաքացիական անձանց զենք ունենալու հարցը: Արիզոնա նահանգից 22-ամյա երիտասարդը պատահմամբ սպանվել է քրոջ կողմից: Երիտասարդները ցանկացել են լուսանկարվել գանգստերի կերպարով, տեղեկացնում է Sun-ը:
19-ամյա Սավաննա Ռամիրեսը և նրա 22-ամյա եղբայր Մարտին Օրտիզն ալկոհոլի ազդեցության տակ վերադարձել են ամանորյա երեկույթից: Նրանցից մեկը հանել է հրազենը, և տանը ապրողները սկսել են խաղալ դրա հետ: Ռամիրեսը և Օրտիզը ցանկացել են լուսանկարվել գանգստերների կերպարով:
Ինչ-որ պահի աղջիկը պատահաբար կրակել է, և գնդակը կպել է Մարտին Օրտիզի գլխին: Այս պահին ոստիկանությունը ճշտում է հրազենի սեփականատիրոջ անունը: Սավաննա Ռամիրեսը պնդում է, որ չի իմացել հրազենի լիցքավորված լինելու մասին:
Աղջիկը և նրա հարազատները սգի մեջ են: Տվյալ պահին 19-ամյա Սավաննային մեղադրում են չկանխամտածված սպանության մեջ: Եթե հետաքննությունը պարզի, որ կրակելու պահին աղջիկը ալկոհոլի ազդեցության տակ է եղել, դա ավելի կմեծացնի նրա մեղքը:
Ոստիկանության սերժանտ Սթիվ Մորսի խոսքերով՝ այս պատմությունը կգա այն բոլոր մարդկանց աչքերի առջև, ովքեր եղբայր կամ քույր ունեն: Օրենքի ներկայացուցիչը հույս է հայտնում, որ ողբերգությունը դաս կլինի այն մարդկանց համար, ովքեր երբևէ կորոշեն ձեռքները զենք վերցնել:
Սավաննա Ռամիրեսի և նրա մահացած եղբոր Facebook-յան էջին կարելի է տեսնել գանգստերների կերպարներով նրանց բազմաթիվ լուսանկարները:
