Panasonic-ի գլխավոր տնօրեն Կացուհիրո Ցուգան հաստատել է, որ ընկերությունը հնարավոր է ստիպված լինի իր մի քանի ենթաբաժին փակել:
Ֆինանսական վերջին տարվա ընթացքում այդ ճանապարհով ընկերությունն ազատել է 38 հազար աշխատակցի, իսկ 2013 թ. ամռանը նախատեսում են աշխատանքից ազատել ևս 8 հազար մարդու:
Փորձագետների կարծիքով՝ որոշ ոլորտներ հարկավոր է, եթե ոչ վերացնել, ապա անհապաղ օպտիմալացնել, օրինակ՝ պլազմային հեռուստացույցների են և բջջային հեռախոսների ոլորտները:
Մինչև մարտի 31-ը Panasonic-ը կդադարեցնի Եվրոպայում սմարթֆոնների վաճառքը, իսկ հունիսին կփակի դրանց արտադրությամբ զբաղվող ճապոնական գործարանները:
Ընկերությունից ակնկալում են որոշիչ քայլեր: Բիզնեսի վերակառուցման ծրագիրը պետք է ներկայացվի մարտի 31-ից ոչ ուշ: Այժմ հիմնական շեշտը դրվում է այլ ընկերությունների ներգրավվածությամբ համատեղ աշխատանքի վրա, որոնք նոր շունչ կհաղորդեն ընկերության արտադրությանը:
Panasonic-ին է պատկանում 10 մլն ք/մ գրասենյակային և բնակելի տարածք, մի քանի հանրակացարաններ և սպորտային համալիրներ: Մինչ 2013 թ. մարտ ընկերությունը ծրագրում է ստանալ 1,34 մլրդ դոլար` այդ տարածքների և ճապոնական այլ ընկերություններում իր ունեցած մասնաբաժնի վաճառքից:
