Լեհ ռեժիսոր Անտոնի Կրաուզեն պատրաստվում է ֆիլմ նկարահանել Սմոլենսկի ավիավթարի մասին, որին զոհ էր գնացել Ռուսաստան ուղևորվող Լեհաստանի նախագահ Լեխ Կաչինսկին` հայտնում է filmpro.ru-ն:
Ֆիլմի նկարահանումները կսկսվեն այս գարնանը: Ֆիլմի նպատակն է պատասխանել բազմաթիվ հարցերի` կապված աղետի հետ: Նկարահանումները տեղի կունենան Լեհաստանում, ինչպես նաև ԱՄՆ-ում ու Վրաստանում:
Ինքնաթիռի աղետին զոհ էր գնացել 96 մարդ: Պաշտոնական վարկածի համաձայն՝ աղետի պատճառը անձնակազմի անփութությունն էր, սակայն այս վարկածի հետ ոչ բոլորն են համաձայն: Լեհաստանի զոհված նախագահի եղբայրը՝ Յարոսլավ Կաչինսկին, շարունակում է պնդել միջազգային հետաքննություն սկսելու իր պահանջը:
Անտոնի Կրաուզեն հայտնի է որպես «Ակվարիում» ֆիլմի ռեժիսոր՝ Վիկտոր Սուվորովի լրտեսական վեպի էկրանավորմամբ:
