Իտալիայի նախկին վարչապետ Սիլվիո Բեռլուսկոնին նախկին կնոջը՝ Վերոնիկա Լարիոյին, օրական 200 հազար եվրո ալիմենտ կվճարի: Այս մասին միլիարդատեր և մեդիամագնատ Բեռլուսկոնին հայտարարել է իտալական հեռուստատեսությամբ՝ փոխանցում է RIA Novosti-ն:
Դեկտեմբերի 24-ին տեղեկություններ էին տարածվել, որ Միլանի դատարանը վերջնական որոշում է կայացրել Բեռլուսկոնիի և Լարիոյի ապահարզանի գործընթացի վերաբերյալ՝ Բեռլուսկոնիին պարտավորեցնելով նախկին կնոջն ամսական վճարել 3 մլն եվրո (օրական 100 հազար եվրո):
«Դուք սխալ տեղեկություն ունեք: Խոսքը օրական 200 հազար եվրոյի մասին է»,- հայտարարել է Բեռլուսկոնին:
76-ամյա Բեռլուսկոնին անկեղծ ուրախությամբ հաղորդել է նաև, որ իր 7-րդ թոռնիկն է լույս աշխարհ եկել: Փոքրիկը նրա դստեր՝ Էլեոնորայի որդին է:
Քաղաքական գործչի փոխանցմամբ՝ երեխան կշռում է 3 կգ 200 գրամ, հասակը 51 սմ է:
Նշենք, որ Բեռլուսկոնիի և Լարիոի հարաբերությունները խզվել են 2009 թվականին:
