Մեծ Բրիտանիան, հատկապես Լոնդոնը, Իսպանիայի, Պորտուգալիայի և Իտալիայի քաղաքացիների համար արտագնա աշխատանքի վայր է դարձել։ Այդ երկրներում կառավարությունները կոշտ էկոնոմիկայի քաղաքականություն են վարում՝ ֆինանսական ճգնաժամը հաղթահարելու համար, հաղորդում է EUractiv կայքը։
Համաձայն կայքի՝ 2012-ի առաջին կեսին պետական ապահովագրության են գրանցվել 5350 իսպանացի և 5370 իտալացի։
ՄԹ վարչապետ Դեվիդ Քեմերոնը հայտարարել է, որ երկրում գործազրկության մակարդակը բարձրանում է ԵՄ-ից ներգաղթյալների մեծ հոսքերի պատճառով։ Նա խոսել է ներգաղթողների մուտքի սահմանափակումների մասին։
Ինչպես Բելգիայում, Ֆրանսիայում, Ավստրիայում, ԳՖՀ-ում, Լյուքսեմբուրգում, Մալթայում և Նիդեռլանդներում, այնպես էլ ՄԹ-ում Ռումինայի և Բուլղարիայի (որոնք ԵՄ անդամ են դարձել 2007-ից) քաղաքացիներից պահանջվում է աշխատանքի իրավունք։ Եվրահանձնաժողովի պահանջներով՝ այդ սահմանափակումները պետք է հանվեն մինչև 2013-ի դեկտեմբերի 31-ը։
