Տարեկան Թուրքիայում շուրջ 75 հազար անչափահասներ ներքաշվում են հանցավոր գործունեության մեջ: Այս մասին հաղորդում է MK Turkey պարբերականը՝ վկայակոչելով Թուրքիայի վիճակագրական ինտիտուտին (TUİK):
Վերջին տարիներին Թուրքիայում աճել է հանցագործության մակարդակը, այդ թվում՝ երեխաների կողմից իրականացվող հանցագործություններինը: Տարեկան միջինը շուրջ 75 հազար երեխաներ հանցագործություններ են կատարում: Այդ երեխաներից 15 հազար բնակվում են Էգեյան և Միջերկրական ծովի շրջաններում:
Հետազոտությունը ցույց է տվել, որ Թուրքիայում մեկ ամսվա ընթացքում շուրջ 6300 երեխա հանցագործություն է կատարում:
Բացի այդ, ստացված տեղեկատվության համաձայն՝ հանցագործություն կատարած անչափահասների թիվը կախված է կրթության մակարդակից. որքան այն բարձր է, այնքան ցածր է հանցագործության հավանականությունը: