Կենտրոնական Աֆրիկյան Հանրապետության հյուսիսային շրջանները վերահսկող ապստամբների առաջնորդները մեկնել են Գաբոն՝ բանակցելու Կենտրոնական Աֆրիկյան Հանրապետության կառավարության ներկայացուցիչների հետ: Ինչպես տեղեկացնում է BBC-ի ռուսական ծառայությունը, բանակցությունները կսկսվեն այս շաբաթվա վերջին:
Ապստամբները մեղադրում են Կենտրոնական Աֆրիկյան Հանրապետության նախագահ Ֆրանսուա Բոզիզեին պայմանավորվածությունները չկատարելու մեջ, որոնք ձեռք էին բերվել դեռ 2007 թվականին:
Մեկ ամիս առաջ նրանք սկսել էին ռազմական գործողությունները կառավարական զորքերի դեմ, սակայն մի քանի շաբաթ անց կասեցրին հարձակումը՝ չհասնելով երկրի մայրաքաղաք Բանգի:
Բոզիզեի՝ 2003թ. իշխանության գալուց ի վեր սա ամենալուրջ վտանգն է նրա իշխանությանը:
