Ամերիկացի ռեփ երգչուհի Նիկի Մինաժը լսարանից ներողություն է խնդրել Only երգի հիման վրա նկարահանված «նացիստական» տեսահոլովակի համար, որտեղ շատերի կարծիքով՝ «փառաբանվում էր նացիզմը»:
«Ես չեմ մտահղացել կոնցեպցիան,- գրել է Մինաժը Twitter-ի իր միկրոբլոգում:- Սակայն ես շատ եմ ցավում ու լիովին պատասխանատվություն եմ կրում, եթե դա ինչ-որ մեկին խոցել է: Ես երբեք նացիզմին տեղ չէի տա իմ ստեղծագործության մեջ»:
Տեսահոլովակում երգչուհին ներկայացել է բռնապետի կերպարով, որին մոտենում են շարքով կանգնած զինվորականները՝ կարմիր թևկապներով, որոնք հիշեցնում են նացիստական թևկապները:
