Հունվարի 7-ին 110 տարեկանում մահացել է Մեծ Բրիտանիայի ամենատարեց բնակիչ Ռեջ Դինը: Նա 2010 թ. Սթենլի Լուկասի մահից հետո, ով նույնպես մահացել էր 110 տարեկանում, ստացել էր Մեծ Բրիտանիայի ամենատարեց բնակչի «կարգավիճակը»:
Ռեջ Դինը ծնվել է 1902 թ. նոյեմբերի 4-ին՝ Ստաֆորդշիրյան կոմսությունում, սակայն 1947-ից ապրել է Դերբիշիրում: Նա ապրել է 2 համաշխարհային պատերազմների ժամանակներում: Նրա կենդանության օրոք Մեծ Բրիտանիայում 24 վարչապետ է փոխվել: Նա 3 անգամ ամուսնացած է եղել: Առաջին կինն իրենից 10 տարով փոքր է եղել, 2-րդը` 20 տարով, 3-րդը` 30:
10 տարի՝ 1957-1967 թթ. նա աշխատել է դպրոցում՝ որպես ուսուցիչ: Այնուհետև մինչև թոշակի անցնելը` 80 տարեկանում դարձել է հոգևորական: Նրա ամենամեծ ցանկությունը տղամարդկանցից կազմված երգչախմբի ստեղծումն էր, որի առաջին ելույթը կայացել է 1987 թ.:
Իր երկարակեցության գաղտնիքը Ռեջը համարում էր ծուլությունը: Իր 109 ամյակի կապակցությամբ կազմակերպված միջոցառման ժամանակ Ռեջը խոստովանել է, որ հանդիսանում է «Անուղղելի ծույլերի հասարակության» անդամ:
