Նախօրեին անցկացված MTV EMA 2014 մրցանակաբաշխությունը կհիշվի հյուրերի վառ ելույթներով և ոչ պակաս վառ կերպարներով: Երեկոյան դրես-կոդի բացակայությունը ընտրության լայն հնարավորություն է տալիս, դա, որպես կանոն, նշանակում է, որ վատագույն կերպարները գտնելն ավելի հեշտ է լինում, քան քիչ թե շատ հաջողված հագուստները: Այսպիսով, elle.ru-ն ներկայացնում է երեկոյի վատագույն կերպարները:
1. Թալիա Սթորմ
15-ամյա երգչուհի Թալիա Սթորմին առայժմ ներելի են ոճային վրիպակները: Դրանից բացի, Թալիան ամբողջ երեկո մեկ դիրքով է լուսանկարվել՝ ջանասիրաբար տեսախցիկների առջև ցուցադրելով հարազատ Շոտլանդիայի դրոշի գույներով զարդարված կլատչը:
2. Charli XCX
Բրիտանուհի Charli XCX-ը ներկաներին զարմացրել է իր վարդագույն զգեստով, մորթե երկար թիկնոցով և տարօրինակ երկնագույն բոկոտիկներով:
3. Նիկի Մինաժ
Նիկի Մինաժը հաջողությամբ կատարել է հաղորդավարի դերը: Նրա գրեթե բոլոր հագուստները բացել են կամ կուրծքը, կամ ոտքերը: Սակայն նրա ամենատպավորիչ հագուստը ուլունքներով ասեղնագործված մոխրագույն տոպն էր և կարճ, բազմաշերտ կիսաշրջազգեստը: Այդ կերպարը նա լրացրել է մինչև արմունկը հասնող փայլուն ձեռնոցներով:
4. Կայզա
Կանադացի երգչուհի Կայզան նույնպես իր երկրպագուներին չի կարողացել ուրախացնել ոճային տեսքով: Քննադատները նրան ճուտիկի են նմանեցրել: Բազմերանգ կտորներով կարճ զգեստը նա լրացրել է դարչնագույն բոկոտիկներով:
5. Էմելի Սանդե
Էմելի Սանդեն կարծես կարևոր արարողության չի էլ պատրաստվել: Նա ուղղակի ուղիղ ձևվածքի զգեստ է հագել, և որպեսզի այն տոնական տեսք ունենա, ավելացրել է մեծ վզնոց, և պատրաստ է:
6. Դևիդ Հասելհոֆ
Այս ցանկում միակ տղամարդը Դևիդ Հասելհոֆն է: Գլազգոյում կայացած արարողությանը նա որոշել է ազգային հագուստով ներկայանալ: Ամեն ինչ հարթ կանցներ, եթե նա անդադար չմերկացներ ծնկները:
