Չինաստանը կարծում է, որ Սիրիայի հակամարտող կողմերը պետք է հետևեն երկրում տիրող իրավիճակի խաղաղ կարգավորման համատեղ ընդունված ծրագրին: Այս մասին հաղորդում է ITAR-TASS-ը՝ վկայակոչելովՉինաստանի ԱԳՆ պաշտոնական ներկայացուցչին:
Դիվանագետը նշել է, որ Չինաստանը բաց և ակտիվ դիրքորոշում ունի այս հարցում:
Չինաստանի արտաքին գերատեսչության ներկայացուցիչն ընդգծել է, որ Չինաստանը Սիրիայի իշխանություններին և ընդդիմությանը կոչ է անում հնարավորինս շուտ դադարեցնել զինված հակամարտությունը՝ ելնելով պետության արմատական և ժողովրդի շահերից:
Չինաստանը բազմիցս ընդգծել է, որ սիրիական ճգնաժամը կարող է լուծվել միայն քաղաքական բանակցությունների միջոցով այն պայմանով, որ կողմերը հակված կլինեն ՄԱԿ ԱԽ համապատասխան բանաձևերին և պայմանավորվածություններին:
