Ամերիկյան Մերիլենդ նահանգի՝ հատակմաքրիչով պարող բնակչի մասին տեսանյութը համացանցի հիթ է դարձել: Այս մասին հայտնում է The Huffington Post-ը:
Նոյեմբերի 6-ին Facebook-ում և YouTube-ում հրապարակված հոլովակը մի քանի օրում ավելի քան 10 մլն դիտում է ունեցել, Facebook-ում մոտ 220 000 հոգի այն հավանել է, ունի 25 000 մեկնաբանություն:
Հոլովակի հերոսը Բալթիմորի բնակիչ Ջիմմի Փոփն է, որն Instagram-ի իր էջում ներկայանում է որպես պարող և կոմիկ: Նա պարում է շոտլանդացի երգչուհի Շինա Իսթոնի Morning Train (Nine to Five) երգի տակ: Հոլովակի նկարագրության մեջ նշված է, որ այն նկարահանվել է հելոուինյան երեկույթից հետո՝ տան առավոտյան մաքրության ժամանակ:
