Զոհերի թիվը նույնքան ցնցող է, որքան ուղեկամուրջներից կախված դիակների տեսքերը: BBC News-ի տվյալներով՝ 2006-2012թթ. Մեքսիկայում թմրանյութերի հետ կապված բռնությունների հետևանքով զոհվել է ավելի քան 77 հազար մարդ: Վիճակագրական տվյալների համաձայն՝ թմրանյութերի հետ կապված սպանությունների թիվը 2007-2008թթ. աճել է 300 տոկոսով: Մեքսիկական նարկոկարտելները սարսափելի են և իրենց նպատակերին հասնելու համար միջոցների մեջ խտրականություն չեն դնում՝ սկսած գլխատումներից և կտտանքներից, մինչև մարդկանց վաճառք ու զանգվածային սպանություններ: Հակառակորդ կարտելները պայքարում են թմրանյութերի տեղափոխման երթուղիները վերահսկելու համար:
Մեքսիկայի նախկին նախագահ Ֆելիպե Կալդերոնը պատերազմ էր հայտարարել՝ ընդդեմ թմանյութերի և նարկոկարտելների՝ բանակին կարգադրելով ձերբակալել նարկոկարտելների պարագլուխներին: Մեքսիկայի ներկայիս նախագահ Էնրիկե Պենյա Նյետոն այլ մոտեցում է կիրառում՝ տեղական մակարդակով պայքարելով բռնության դեմ: Նետոն նաև հաղորդել է, որ տեղական ու պետական իշխանությունները այլևս անմիջաբար չեն աշխատելու ՀԴԲ-ի և Թմրանյութերի դեմ պայքարի վարչության հետ, երբ հարցը վերաբերում է գաղտնի տվյալների բացահայտմանը: Կոռուպցիան վաղուց է խնդիր մեքսիկական օրենսդրության մեջ ու բանակում, ինչը ավելի է բարդացնում կառավարության պայքարը նարկոկարտելների դեմ:
7. Տիխուանայի կարտել
1990-ականներին և 2000-ի սկզբին Տիխուանայի կարտելը, որը ղեկավարում են Արելյանո Ֆելիքս եղբայրները, եղել է Մեքսիկայում ամենահզոր խմբավորումներից մեկը: Իր հզորության գագաթնակետի ժամանակ կարտելը ներթափանցել էր Մեքսիկայի իրավապահ մարմիններ ու դատական համակարգ: Այն վերահսկել է թմրանյութերի փոխադրումը: Կարտելը վատ համբավ է ունեցել բռնությունների կիրառման հետևանքով:
6. Խուարեսի նոր կարտել
Խուարեսի կարտելը գտնվում է Մեքսիկայի և ԱՄՆ-ի սահմանին և երկար ժամանակ եղել է ԱՄՆ-ում թմրանյութի շրջանառության գլխավոր դերակատարը:
5. «Տամպլիերների» կարտել
Նարկոկարտելը գտնվում է մշտական հակամարտության մեջ՝ փորձելով ապացուցել, թե ումից է ավելի շատ պետք վախենալ:
4. Խալիսկո նոր սերնդի կարտել (Mata Zetas)
Խալիսկո նոր սերնդի կարտելը հիմնվել է 2009թ.-ին: Համաձայն International Business Times նորությունների կայքի՝ երեք տղամարդ սպանված են հայտնաբերվել լքված բեռնատարում՝ գրությամբ, որում ասվում է, որ այդ խմբավորումը պայքարում է հանուն ավելի մաքուր Մեքսիկայի: 2010թ.-ին Խալիսկո նոր սերնդի կարտելը պատերազմ էր հայտարարել մնացած բոլոր մեքսիկական կարտելներին: Ներկա դրությամբ այն պատերազմում է «Լոս Սետասի» դեմ:
3. Գոլֆո կարտել
Գոլֆո կարտելը հիմնվել է 1930թ.-ին՝ մաքսանենգ Խուան Նեպոմունչենո Գուերայի կողմից, և համարվում է Մեքսիկայի ամենահին հանցագործ կազմակերպությունը: Համաձայն թմրանյութերի դեմ պայքարի վարչության՝ Գոլֆո կարտելը պատասխանատու է Կոլումբիա, Պանամա և Մեքսիկա մի քանի հազար տոննա թմրանյութերի տեղափոխման համար: Կազմակերպությունը նաև զբաղվում է փողերի լվացմամբ, կաշառակերությամբ, ինչպես նաև զենքի ապօրինի շրջանառությամբ:
2. «Լոս Սետաս» (Los Zetas)
ԱՄՆ կառավարության տվյալներով՝ «Լոս-Սետասը» տեխնոլոգիապես ամենաառաջադեմ, բարդ և վտանգավոր կարտելն է, որը գործում է Մեքսիկայի տարածքում: 1999թ.-ին մեքսիկական բանակի էլիտար ուժերը դասալիք են դարձել և հիմնել «Լոս Սետասը» և սկսել են համագործակցել Գոլֆո կարտելի հետ:
1. Սինալոա կարտել
ԱՄՆ հետախուզության տվյալներով՝ Սինալոա կարտելը հայտնի է նաև որպես խաղաղօվկիանոսյան կարտել կամ Guzman-Loera organization, աշխարհում ամենահզոր նարկոկարտելն է: ԱՄՆ գլխավոր դատախազի խոսքերով՝ Սինալոան պատասխանատվություն է կրում 1990-2008թթ. ընկած ժամանակահատվածում ավելի քան 200 տոննա կոկոաին ԱՄՆ ներկրելու համար:
