Մեքսիկայում ուսանողների անհետացման փաստով ձերբակալվել են հանցախմբի անդամներ, որոնք խոստովանել են գործած զանգվածային սպանությունը: Այս մասին գրում է Reuters-ը՝ վկայակոչելով Մեքսիկայի գլխավոր դատախազ Ջիսուս Մուրիլյոյին:
Գլխավոր դատախազի խոսքով՝ 3 ձերբակալվածներ խոստովանել են, որ Իգուալայի աղբանոցներից մեկում այրել են մարդկանց խմբի, որոնցից ոմանք դեռևս ողջ էին:
Ներկայում կառավարությունը սպասում է անալիզների արդյունքներին՝ զոհվածների ինքնությունը նույնականացնելու համար:
Մուրիլյոն հայտնել է, որ ուսանողներին առևանգել է ոստիկանությունը և հանձնել «Միասնական մարտիկներ» խմբավորմանը:
Մեքսիկական իշխանությունների ներկայացուցիչները անհետացած ուսանողների հարազատներին հաղորդել են, որ ուսանողների անհետացման վայրից ոչ հեռու հայտնաբերվել է մարդկային մոխրով 6 պարկ:
