1895-ի նոյեմբերի 8-ին գերմանացի ֆիզիկոս, Վյուրցբուրգի համալսարանի ռեկտոր Վիլհելմ Քոնրադ Ռենտգենը, միայնակ փորձարկումներ կատարելով համալսարանի լաբորատորիայում, անսպասելիորեն բացահայտել է «ամենաթափանց» ճառագայթները, որոնք հայտնի են «X ճառագայթներ» կամ «ռենտգենյան ճառագայթներ» անվամբ:
Ռենտգենի գիտափորձերը ցույց են տվել, որ X ճառագայթներն առաջանում են, երբ կատոդաին ճառագայթները բախվում են կատոդի խողովակի ներսում գտնվող պատնեշին: Գիտնականը հատուկ խողովակ է պատրաստում՝ հակակատոդը ողորկ էր, ինչն էլ ապահովում էր X ճառագայթների ինտենսիվ հոսքը: Այդ խողովակի շնորհիվ նա ուսումնասիրել և բնութագրել է նախկինում անհայտ ճառագայթների հատկությունները, որն էլ ստացել է ռենտգենյան անվանումը:
Պարզվել է, որ X ճառագայթները կարող են ներթափանցել շատ անթափանց նյութերի մեջ, ընդ որում՝ այն չի արտացոլվում: Ռենտգենյան ճառագայթների միջոցով գիտնականն արել է առաջին լուսանկարները: