Հնդկաստանի հարուստ գործարար Դատտա Փուջն իր համար ոսկե վերնաշապիկ է պատվիրել: Ոսկե թելերով հյուսված վերնաշապիկն արժե 22,5 հազար դոլար: Այդ ամենին որպես համալրում ոսկուց են նաև գոտին, ճարմանդներն ու մի քանի օղակները: Նրա կարծիքով՝ այդ վերնաշապիկն «ազդեցություն կգործի» կանանց սրտերի վրա:
Հնդիկը նաև հույս ունի, որ այդ ոսկե վերնաշապիկը, որը 3,5 կգ քաշ ունի, կընդգրկվի Գինեսի ռեկորդների գրքում: Երկու շաբաթ օրական 16 ժամ 15 ոսկերիչներ աշխատել են այդ վերնաշապիկի վրա: Ոսկին արվել է սպիտակ թավիշի հիմքի վրա, իսկ 6 կոճակները սվարովսկու քարերից են:
«Ես գիտեմ, որ աշխարհում ամենահամակրելի տղամարդը չեմ, սակայն կարո՞ղ է գեթ մեկ աղջիկ դիմանալ նման վերնաշապիկ կրող տղամարդու հմայքին: Այդ վերնաշապիկը միշտ եղել է իմ երազանքը, որը նաև ինձ հեղինակություն կբերի»,- ասել է գործարարը: